Proiektuaren barruan garatutako ekintzen artean nabarmentzekoak dira ekoizpen-zentro txikien behar komunen identifikazioa, produktuak egiteko eta dibertsifikatzeko prozesuak hobetzeko dinamizazio-ekintzen koordinazioa, katalogo hau argitaratzea eta emaitzak komunikatzeko eta zabaltzeko lanak egitea.
Testuinguru horretan argitaratu da Euskadiko Landa Eremuetako Elikagaiak Eraldatzeko Zentro Txikien Katalogoa, proiektuan parte hartu duten zentroak biltzen eta ikusarazten dituen tresna. Katalogoak zentro horiei buruzko informazioa jasotzen du, elkar ezagutzea eta etorkizuneko lankidetza-aukerak sortzea sustatuz.
Proiektua Leartiker S. Coop. erakundeak gidatu du, Zabaia LGEren laguntzarekin, Meneko (Euskadiko Landa Garapen Elkarteen Federazioaren) ordezkari gisa, eta sektoreko ekoizleen partaidetzarekin, besteak beste, Ana de la Maza (Conservas Garai) Maskilu Koop. Elk. Txikia eta Iker Yurrebaso (Mimintzepe baserria).
SARETZEN 2024ko azaroaren 1etik 2026ko otsailaren 15era bitartean garatu da, Euskal Autonomia Erkidegoko nekazaritza- eta elikadura-produktuen eta egurraren balio-kateetan lankidetzaren bidez berrikuntza sustatzeko programaren barruan. Programa hori Europar Batasunak eta Eusko Jaurlaritzak finantzatu dute.
Katalogo honen argitalpenak Euskadiko nekazaritzako elikagaien eraldaketa-zentro txikiak ezagutzeko eta ikusarazteko erreferentziazko tresna bat eskaintzen dio sektoreari. Tresna hori, gainera, baliabide bizia da, eta etorkizunean eguneratu eta zabaldu ahal izango da.
