IZKI LGE-REN 35. URTEURRENA ETA ARABAKO MENDIALDEKO LGEP-AREN ZIRRIBORROAREN AURKEZPENA
Joan den uztailaren 12an, IZKI Landa Garapeneko Elkartearen 35. urteurrena ospatu zen Bernedon. Jardunaldiak eskualdeko LGEPa egiteko partaidetza-prozesuan parte hartu duten erakundeetako ordezkariak eta bizilagunak bildu zituen.
LGEaren urteurrenari dagokion ekitaldiaren lehen zatian, 2021-2024 azken lau urteetan elkarteak egindako ibilbidea errepasatu zen.
Ekitaldiaren bigarren zatiarekin hasi aurretik, bertaratutakoei Kahoot batera partida bat jokatzera gonbidatu zitzaien. Kahoot horrek tokiko produktu-sorta batekin saritzen zuen IZKI LGEari buruz bertaratutakoek zuten ezagutza.
Ekitaldiaren bigarren zatian, Arabako Mendialdeko Landa Garapeneko Eskualdeko Programa (LGEP) berriaren ZIRRIBORROA aurkeztu zen. Dokumentu hori onartzeko fasean dago, eta datozen urteetan Arabako Mendialdea garatzeko ibilbide-orri bat proposatzen du.
LGEParen zirriborroa aurkeztea IZKI LGEak, bereziki Lantze Batzordean parte hartu duten pertsonekin, hartu zuen konpromiso bati dagokio, hau da, LGEP egiteko eta baliozkotzeko prozesuan gertatzen ari zenari buruzko informazioa helarazteari.
Ekitaldia egiteko, Eusko Jaurlaritzako Elikadura, Landa Garapen, Nekazaritza eta Arrantza Sailaren EAEko landa- eta itsasertz-eremuak dinamizatzeko gizarte-ekitaldietarako 2025. urterako laguntzen finantzaketa jaso da.
